کیا کسی کو جنتی کہنا صحیح ہے

ASHRAF RAZA HABIBI 8:52:00 pm

سوال

کیا فرماتے ہیں علمائے کرام ومفتیان عظام اس مسئلہ کے بارے میں کہ کیا ہم کسی کو یہ کہ سکتے ہیں کہ یہ پکا جنتی ہے برائے مہربانی مکمل طور پر جواب عنایت فرمائیں عین نوازش ہوگی المستفتی محمد رمضان علی الھند

جواب

ان حضرات کے بارے میں تو کوئی شک و شبہ کی گنجائش نہیں کہ جن کو نبی پاک صلی اللہ تعالی علیہ وسلم نے دنیا میں ہی جنت کی خوشخبری دی خصوصاً عشرۂ مبشرہ ان کو بلاشبہ جنتی کہ سکتے ہیں سرکار اعلیٰ حضرت رضی الله عنہ فرماتے ہیں وہ دسوں جن کو جنت کا مژ دہ ملا اس مبارک جماعت پہ لاکھوں سلام عشرۂ مبشرہ کے علاوہ کو بھی جنتی کہہ سکتے ہیں جب کہ وہ علامات و اعمال جو قرآن و احادیث میں جنت میں لے جانے کے بیان کیے گئے اگر وہ اسباب و علامات و اعمال کسی بندۂ مومن میں پائے جاتے ہوں تو اس کو جنتی کہنے میں کوئی حرج نہیں ہونا چاہیے واللہ ورسولہ اعلم بالصواب

Post a Comment

1 Comments

Daur-E-Jdeed6 November 2021 at 06:15
Must
ReplyDelete
Replies

میں ‏مولوی ‏کیوں ‏بنا؟ *🖌افسوس میں مولوی کیوں بنا!!* کبھی بچپن میں بڑی تمنا تھی کہ اللہ حافظ قرآن بناۓ، والدین کی دعاؤں اور استاذ کی محنت سے یہ مرحلہ مکمل ہو گیا، ابھی تک تو عمر دس سال تھی، کہیں بھی جا سکتے تھے، مگر قسمت میں مولوی اور پھر مفتی بننا لکھا تھا۔ مگر کیا معلوم تھا کہ مولوی اور مفتی بن کر بھی کوئی کام یا ہنر ہی سیکھنا پڑے گا، اور اتنے دھکے کھانے پڑیں گے‌ کہ دل یہ کہنے لگے گا "کہ کاش میں مولوی نہ بنتا، صرف دین دار بن جاتا"۔ کیوں کہ نیا نیا فارغ مولوی بیچارہ جب کسی مدرسہ میں پڑھانے کیلئے درخواست دیتا ہے تو مہتمم اور ذمہ داران کی آواز آتی ہے کہ ہم کو تجربہ کار مولوی چاہیے، اور وہ بھی چھ سات ہزار تنخواہ میں، اس شرط کے ساتھ کہ وہ چوبیس گھنٹے مدرسہ کی چہار دیواری میں طلبہ کے ساتھ قید رہے گا، نہ وہ باہر امامت کر سکتا ہے اور نہ کوئی کاروبار کر سکتا ہے۔ نیا فاضل مولوی مدرسہ کے دروازے سے مایوس ہو کر واپس آ جاتا ہے، کیوں کہ وہ تجربہ کار نہیں ہے۔ پھر وہ کسی مسجد میں امامت کا فیصلہ لیتا ہے، تو وہاں اور منھ کی کھانی پڑتی ہے، مسجد والے ایسی شرطیں رکھتے ہیں کہ لگتا ہے جیسے وہ اس سے حرمین شریفین میں نماز پڑھوائیں گے، مسجد والوں کی شرطیں یہ ہوتی ہیں: عالم ہو، مفتی ہو، شادی شدہ ہو، سال لگا ہوا ہو، لچھے دار مقرر ہو، اور ساتھ میں خوبصورت بھی ہو، اور تندرستی سے عالم لگتا ہو، دبلا پتلا یا چھوٹے قد کا نہ ہو۔ اب اس کومعقول تنخواہ (سات ہزار ملیگی🤣)۔ عام طور سے ہر مولوی کے اندر یہ شرطیں نہیں پائی جاتی ہیں، خصوصاً نئے مولوی میں، چنانچہ وہ نوجوان عالم ومولوی جو ایک جذبہ اپنے دل میں لے کر نکلا تھا کہ امت کو دین سکھاؤں گا، ان کو نماز سکھاؤں گا، ان کے بچوں کو علمِ دین پڑھاؤں گا، اب وہ اپنے جذبہ پر خاک ڈالتے ہوئے مایوس ہوکر واپس لوٹ آتا ہے، اوراب اس کو کچھ سمجھ نہیں آتا کہ وہ اپنی زندگی میں کیا کرے؟ کبھی وہ سوچتا ہے کوئی دکان کرے گا، کبھی ارادہ بناتا ہے کوئی چھوٹا موٹا کاروبار کرے گا، یا کوئی اور ہنر سیکھے گا۔ اور اس طرح وہ مولوی اور اس کا علم وعمل خاک میں مل جاتے ہیں، اور وہ مولوی گھر والوں اور بستی والوں کی نظر میں گر جاتا ہے، اور سب کے طعنے اس کو سننے ملتے رہتے ہیں، تواس وقت وہ یہ تمنا کر رہا ہوتا ہے کاش میں مولوی نہ بنتا، کاش میں شروع سے ہی کوئی اور کام کرتا تو اب تک لاکھوں کما لیتا، اور لوگوں کے یہ طعنے آج مجھے نہیں ملتے، افسوس میں عالم کیوں بنا۔ اس لئے مساجد ومدارس کے ذمہ داران سے درد مندانہ اپیل وہ گزارش ہے کہ خدا کے واسطے ان نوجوان عالموں کو اس طرح کی شرطیں لگا کر ضائع مت کیجۓ، ان کو پیار کے ساتھ کام پر لگائیں، اور یہ تمام الٹی سیدھی شرطیں نہ لگائیں، ورنہ یہ نئے عالم اسی طرح ضائع ہوتے رہیں گے۔ ان کو ذمہ داری دو ان شاءاللہ یہ امت کے نوجوان نئے جذبہ کے ساتھ کام کریں گے۔ اللہ اس امت کو خصوصاً مدارس ومساجد کے ذمہ داران کو سمجھ عطا فرمائے۔ آمین۔ 🌹پوسٹ اچھی لگے تو عمل کریں اور دوسروں کو بھی عمل کرنے کی دعوت دیں🥀 Muslim Para, minwakhad, Chhattisgarh 497220